सारा नेपाली दर्शक तीनछक्क पर्ने गरी अहिले केही बेरअघि कान्तिपुर टेलिभिजनको प्राइम टाइम समाचारमा लाइभ आएर यी भर्खरकी युवतीले भनिन्, ‘हो, म चार्ल्स शोभराजकी गर्लफ्रेन्ड हुँ।’ मोडलको जस्तो पहिरन र भावभंगिमाका साथ उनले सिरियल किलरका रुपमा कुख्यात चार्ल्स शोभराजसित आफ्नो पहिलो भेट मै प्रेम बसेको कुरा सुनाइरहँदा टेलिभिजनका ग्ल्यामरस देखिने न्युज एङ्करहरु समेत फिका देखिन्थे।

विगत केही वर्षदेखि नेपालको जेलमा बन्दी जीवन बिताइरहेका ६४ वर्षका शोभराज र २० वर्षीया नेपाली केटी निहिता विश्वाससितको प्रेम प्रसंगको खबर आज बिहान ट्याब्ल्वाइड नयाँ पत्रिकाले प्रथम पृष्ठमा छापेको समाचार पछि चर्चाको शिखरमा पुगेको भए पनि त्यो अघि नै भारतीय सञ्चारमाध्यमसित शोभराजले प्रेम प्रसंग स्वीकार गरिसकेका थिए। विश्वका विभिन्न सञ्चारमाध्यममा यो समाचार छाइसकेको थियो। त्यसमाथि आज प्राइम टाइमको न्युज बुलेटिनमा लाइभ इन्टरभ्यु दिँदै हाकाहाकी आफूलाई शोभराजकी प्रेमिका भनेर स्वीकार गरेपछि दिक्कलाग्दो राजनीतिका बासी खबरले मुर्झाएको काठमाडौँलाई हप्तौँसम्म गफिनका लागि एउटा नयाँ विषय दिएको छ। (more…)

-राजेन्द्रप्रसाद अर्याल-

विछ्यौनामा पल्टिइरहेको बेला चमेलीको आगमन हुन्छ। मैले विरामीको अभिनय गर्नु परेको थियो। उनले मेरी श्रीमती भएर मलाई माया गरेको देखाउनु थियो। विछ्यौनाको एक छेउमा वसिन् र मेरो निधारमा छाम्दै “कस्तो छ हजुरलाई ?” भनिन्। मैले केही नभनिकन उनको मुखमण्डलमा दृष्टि लगाइरहेँ। उनले अझ आत्तिँदै, हतारिँदै उही संवाद दोहर्याइन् “कस्तो छ हजुरलाई –”। ठीक छ, ठीक छ। मैले यति त भनेँ तर मनको गहिरो भावनामा वग्न पुगेछु म त। झण्डै “एक्सन” भनेको धेरै बेरसम्म पनि संवाद बोल्न बिर्सिरहेको। उनको मायालु स्पर्सले त मलाई अतीतको अर्कै संसारमा पुर्‍याइदिइसकेको पत्तै भएन छ।

म विवाह गर्दिन भनेर कस्सिइ बसेको मान्छे। मैले योभन्दा अघि पनि चलचित्रमा प्रसस्त अभिनय गरेको हुँ। अघि-अघिका चलचित्रमा यस्ता दृष्य तथा संवादहरूले कुनै असर पार्दैनथ्यो मलाई। मुटु छुँदैनथ्यो। किञ्चित डग्दैनथे। तर अभिनयहरू चाहिँ जीवन्त हुन्थे। ती चलचित्रहरू सर्वाधिक हिट हुन्थे। प्रोडुसरलाई लगत्तै अर्को फिल्म निर्माण गर्न प्रोत्साहन मिल्थ्यो। उनीहरू एकपछि अर्को फिल्म निर्माण गर्दै जान्थे। मैले अभिनय गर्दै गएँ। थुप्रै दर्जन फिल्ममा अभिनय गरिसकेँ। (more…)

यत्रो दिनसम्म किन राष्ट्रपति चुनिएन भन्नुभएको ? कूतर्क गर्ने हो भने मजाले भन्न सकिन्छ- राष्ट्रपति चुनेर के गर्नु, राष्ट्रपति बस्ने भवन चाहिँ हुनु परेन ? खोई अहिलेसम्म राष्ट्रपति भवन कुन बनाउने भन्ने निर्णय नै भएको छैन !

तर अब भने त्यसो भन्न नपाइने भएको छ। किनभने शुक्रबार बसेको मन्त्रिपरिषद्को बैठकले राष्ट्रपति भवन शितल निवासलाई बनाउने निर्णय गरिसकेको छ। शितल निवासमा अहिले परराष्ट्र मन्त्रालय बसिरहेको छ। परराष्ट्र मन्त्रालयलाई चाहिँ कतातिर सार्ने हो, त्यो थाहा भएको छैन। (more…)

शुक्रबार लगातार सातौँ दिन मधेसी सभासदहरुले गरेको नाराबाजीका कारण ऐतिहासिक संविधान सभाको बैठक स्थगित हुन पुग्यो। सात दिनअघि प्रधानमन्त्री गिरिजाप्रसाद कोइरालाले राजीनामाको घोषणा गरेर रोष्ट्रमबाट तल झर्ने बित्तिकै मधेसी सभासदहरु अगाडि गएर विरोध गर्न थालेका थिए।

आज बल्ल यो विवाद टुंगिएको छ। यसअघि पटक पटक भएका वार्तामा कहिले भाषा नमिलेर कहिले के र कहिले के हुँदै कुरा मिलिरहेको थिएन। आज भने संविधान संशोधनका लागि पूरक विधेयक ल्याउने सहमति भएको छ। कस्तो भाषामा कुरा मिल्यो त ? यत्रो नाटक गरेर के कुरामा सहमति भयो त ? हेर्नुस् भित्र सहमतिको विवरण। (more…)

यहीँ हुँदैछ अमेरिकामा बस्ने नेपालीहरुको ठूलो भेला। नेपालीपनको झल्को दिन आयोजना स्थलमा यस्तो स्वागत द्वार बनाइएको हो। आज बिहान त्यहाँको समय अनुसार ११ बजे यो सम्मेलनको अ‍ौपचारिक उदघाटन हुँदैछ। (more…)

-कृष्ण सापकोटा-

विज्ञापन छाप्ने अनि पैसा नतिर्ने विज्ञापन एजेन्सीका एक सञ्चालकविरुद्ध एउटा मिडिया (गोरखापत्र) ले के कारबाही चलाएको थियो, सिंगो विज्ञापन व्यवसायीहरु अरिङ्गालको गोलो झैँ खनिन पुगेका छन्। सोझो अर्थमा बुझ्ने हो भने यिनीहरु ठगी गर्न पाउनु पर्छ भन्दै कुर्लिएका हुन्। थप बुझ्न यहाँ हेर्नुस्। आज त यो विवादलाई लिएर सडकमा भिडन्त नै हुन पुगेछ।

कुरो के परेछ भने नि, विवाद अलि चर्किँदै दुवै पक्ष (विज्ञापन व्यवसायीहरुको संगठन आन र गोरखापत्र) प्रोपागण्डा वारतर्फ लम्किएपछि सहमतिमा कुरा मिलाउन हनुमान ढोकाका एसपीले गोरखापत्रका अधिकारीहरुलाई कार्यालयमा बोलाएका रहेछन्। त्यता विरोध प्रदर्शन गर्न बसेका रहेछन् आनका पदाधिकारीहरु। दुई पक्षको जम्काभेट भयो। अनि त आनवालाहरुले दिएछन् गोरखापत्रकाहरुलाई ड्याङ कि ड्याङ। (more…)

महँगी बढेको छ। त्यसैले तलब पनि बढ्नु पर्‍यो। कर्मचारीहरुको यही माग छ। पुग्ने गरी तलब भएन भने झन् बाङ्गो बाटोबाट पैसा कमाउनेतिर लाग्नु स्वभाविकै हो। तर तलब कति बढाउनु पर्ने हो त ? सरकारी कर्मचारीहरुको तलब कति बढाउने भन्ने बारे उनीहरुका संगठनहरुबीच नै मतभिन्नता छ। कोही के भन्छन् कोही के। तीन थरिका संगठनहरुले तीन वटा उपाय सुझाएका रहेछन्। तपाईँलाई चाहिँ कुन ठीक लाग्यो ? अब तपाईँको पालो- आफ्नो विचार राख्‍नुस्।

उपाय नं १: तलबको अनुपात १:१० गर्ने। अर्थात् तल्लो तहका कर्मचारीको तलब जति छ, त्यसको १० गुणा बढी माथिल्लो तहकाले पाउने। यो सुझाव नेपाल निजामति कर्मचारी युनियनको हो। युनियनले तल्लो तह अर्थात् पिउनको तलब अहिलेको ४ हजार ६ सयबाट बढाएर १५ हजार र मुख्य सचिवको अहिलेको २२ हजारबाट बढाएर १ लाख ५० हजार पुर्‍याउनु पर्ने सुझाव दिएको छ। (more…)

संविधान सभाको पहिलो बैठकबाट गणतन्त्रको घोषणा हुने दिनको अघिल्लो साँझ गणतन्त्रलाई स्वागत गर्न खुलामञ्चमा एउटा सांस्कृतिक कार्यक्रमको आयोजना गरिएको थियो। सोही कार्यक्रमको अन्त्यतिर चर्चित कलाकार मदनकृष्ण र हरिवंशले आफ्नो प्रस्तुति देखाएका थिए। ‘भोलि गणतन्त्र आउने, आज को राष्ट्रपति, को प्रधानमन्त्री बन्ने भनेर झगडा गरिरहेको’ भन्दै उनीहरुले नेताहरुप्रति व्यङ्ग्य गरेका थिए।

आज गणतन्त्र घोषणाको यत्रो दिन भइसक्दा पनि नेताहरु अझै पद बाँडफाँडको कुरा मै अल्झिएका छन्। मह जोडीको प्रस्तुतिको पहिलो अंश हेर्न भित्र आउनुस्। (more…)

पूर्व राजा ज्ञानेन्द्र शाह गाडी चढ्दै कतै गइरहेका बेला ट्राफिक प्रहरीले गाडी रोकेर त्यो गाडीलाई कब्जामा लिए।

के यस्तो खबर आउँदा दिनमा आउन सक्ला ?

संभावना छ। किनभने बा.१च ६४१८ नम्बरको टोयोटा क्राउन, बा ३ च ७८१२ नम्बरको टोयोटा ल्यान्ड क्रुजर र बा३च ७९६२ नम्बरको टोयोटा कार राष्ट्रिय प्रकृति संरक्षण कोषका हुन्। कोषले ती गाडी फिर्ता गरिदिनुस् भन्दै पूर्व राजा र उनका छोरालाई पत्र लेखेका थिए। तर उनीहरुले त्यस्तो पत्रलाई बाल मतलब गरेनन्। त्यसपछि कोषले गाडी फिर्ता गराउन यातायात व्यवस्था, ट्राफिक प्रहरी कार्यालयलगायतका निकायमा पत्राचार गरेको छ। (more…)

-कृष्ण सापकोटा-

नेपालमा अचम्म हुन्छ। यातायात व्यवसायीहरुले अस्ति भर्खर आफूले भने जस्तो भाडा बढाएन भनेर यातायातै ठप्प बनाइदिए। सस्तोमा इन्टरनेट आउला भनेर एडीएसएल प्रविधिलाई रोक्न आईएसपीहरु लागिपरे। अहिले फेरि त्यस्तै एउटा विवाद देखिएको छ नेपालमा। विवाद सरकारी अखबार गोरखापत्र र विज्ञापन व्यवसायीहरु बीच हो। घुमाइफिराइ जे भने पनि वास्तवमा विज्ञापन व्यवसायीहरुले ठगी गर्न पाउनु पर्छ भनी आन्दोलन गर्ने धम्की दिएका हुन्।

गोरखापत्रले ठगी मुद्दामा एक विज्ञापन व्यवसायीको नाममा जाहेरी दिएपछि प्रहरीले पक्राउ गरेको विरोधमा विज्ञापन एजेन्सीहरुको संगठन आन खुलेर लागेको छ। उनीहरुले गोरखापत्रलाई विज्ञापन पनि दिन्नौँ अब भनी धम्क्याएका पनि छन्। तर रोचक कुरा त के छ भने, आनले बिहीबार पत्रकार सम्मेलनको आयोजना गरी आफ्ना विज्ञापन व्यवसायी साथी ठग हैन भनेर प्रमाणित गर्न ठूल्ठूला आवाज गर्नेहरु आफै विज्ञापन बजारमा ठगका रुपमा नामुदहरु हुन्। ठग अर्थात् विज्ञापन छपाउने अनि ग्राहकबाट पैसा पनि लिने, तर सम्बन्धित सञ्चार संस्थालाई पैसा नतिरी आफै कुम्ल्याउने। गोरखापत्रले त यस पटक साहस गरेर मात्रै हो, नत्र नेपाल टेलिभिजन, कान्तिपुर लगायतका अरु धेरै मिडियालाई यो ठगहरुको जमातले पटक पटक लुटेको छ। (more…)

-गिरीश पोखरेल/वासिङटन डीसी

बाल्टिमोरमा आज विहीबार जुलाई ३ को साँझदेखि सोमबारसम्म हुन गइरहेको नेपालीहरुको भेलामा यसपटक सबैभन्दा ठूलो संख्यामा अर्थात् १० हजारको हाराहारीमा नेपालीहरु भेला हुने अनुमान आयोजकहरुले गरेका छन्।

आयोजकहरुका तर्फबाट एएएनएको इतिहासमै पहिलो पटक कार्यक्रम शुरु हुनुअघि पत्रकार सम्मेलनको समेत आयोजना गरिन लागेको जानकारी बाल्टिमोर भेला आयोजनाका संयोजक साइमन ढुंगानाले दिए।

आधिकारिक भेला भोलि अर्थात् जुलाई ४ तारिख भए पनि आज तीन तारिख साँझ पत्रकार सम्मेलन र त्यसपछि अन्तर्राष्ट्रिय साहित्य समाजद्वारा कविता गोष्ठीको कार्यक्रम राखिएको छ। (more…)

नेपालमा अहिले राजनीतिक अन्यौल छ। प्रधानमन्त्रीले राजीनामाको घोषणा गरिसकेका छन् तर नयाँ सरकार बन्न सकेको छैन। राजीनामाको घोषणा लगत्तै मधेसका दलहरुले संविधान सभाको रोष्ट्रम घेरेर बैठक चल्न दिएका छैनन्। मधेसका दलहरुको माग पूरा गराउन सहमति हुन लाग्यो, हुन लाग्यो भन्छन्, तर आजसम्म पनि भएको छैन।

बाहिरबाट हेर्दा स्थिति यस्तै देखिन्छ। तर भित्रभित्र नेपालको राजनीतिमा ठूल्ठूला कम्पन भइरहेको छ, जसलाई बाहिरी सतहबाट देख्‍न सकिन्न।

यसअघि हस्तक्षेपको हदसम्म गएर भारतीय दूतले माअ‍ोवादीलाई सत्तामा लानुपर्ने दबाब दिँदै आएका थिए। यस्तो दबाबका कारण काँग्रेसका नेताहरुले भारतीय हस्तक्षेपको विरोधमा सार्वजनिक अभिव्यक्ति दिएको अनि पहिले भारतको चर्को विरोध गर्ने माअ‍ोवादी नेताहरु मुखमा दही जमाएर बसेको अनौठो दृश्य पनि हामीले देख्‍न पाएका थियौँ। अहिले स्थिति हेर्दा भारत सरकार माअ‍ोवादीतिर ढल्कन छाडेको देखिएको छ। त्यसो भए के अब राष्ट्रपतिमा गिरिजा र प्रधानमन्त्रीमा एमालेको समीकरण बनाउन भारत अघि सरेको हो ? (more…)